शेगाव : राजधानी साडी शोरूमसमोरील वाहतूक कोंडीवर मनसे आक्रमक; ‘नो पार्किंग झोन’ची मागणी

शेगाव | प्रतिनिधी

शेगाव शहरातील आठवडी बाजार परिसरात राजधानी साडी शोरूमसमोर दररोज होणाऱ्या वाहतूक कोंडीचा प्रश्न गंभीर बनला असून, या ठिकाणी ‘नो पार्किंग झोन’ घोषित करावा, अशी मागणी महाराष्ट्र नवनिर्माण सेनेने (मनसे) शेगाव शहर पोलीस ठाण्याचे ठाणेदार यांना निवेदनाद्वारे केली आहे.

मनसेच्या निवेदनानुसार, शोरूमच्या मागील बाजूस वाहनतळाची व्यवस्था उपलब्ध असूनही ग्राहक मुख्य रस्त्यावर वाहने उभी करत असल्याने वाहतुकीचा खोळंबा होत आहे. परिणामी जीवनज्योती, भुतडा, बनोले व इंगळे हॉस्पिटलकडे जाणाऱ्या रुग्णवाहिकांना अडथळा निर्माण होत असून, परिसरातील शाळा-महाविद्यालयांमध्ये ये-जा करणाऱ्या विद्यार्थ्यांच्या सुरक्षिततेचाही प्रश्न निर्माण झाला आहे.

</div>