अकोला-परळी वैजनाथ डेमू ट्रेनचे नवे वेळापत्रक जाहीर; २९९ किमीचा प्रवास आता ८ तासांत, पाहा सर्व ३४ थांबे 

या गाडीला मार्गावरील लहान-मोठ्या सर्व स्थानकांवर थांबा देण्यात आला आहे. यामध्ये शिवनी शिवापूर, बार्शी टाकळी, लोहगड, अमणवाडी, जऊळका, काटा रोड, केकतुमार, कन्हेरगाव नाका, माळसेलूसह पंगारा शिंदे, सिरली, चुंडी, वसमत, मिरखेल, पिंगळी, गंगाखेड आणि उखळी अशा एकूण ३४ स्थानकांचा समावेश आहे. ग्रामीण भागातील नोकरदार, व्यावसायिक आणि विद्यार्थ्यांना यामुळे थेट कनेक्टिव्हिटी मिळणार आहे.

रेल्वेच्या अधिकृत सूत्रांनी दिलेल्या माहितीनुसार, हे वेळापत्रक नियमित फेऱ्यांसाठी लागू राहील. तरीही, रेल्वे रुळांची देखभाल किंवा तांत्रिक कारणांमुळे वेळेत ऐनवेळी बदल होऊ शकतो. त्यामुळे प्रवाशांनी घराबाहेर पडण्यापूर्वी ConfirmTkt किंवा रेल्वेच्या ‘NTES’ अधिकृत ॲपवर ट्रेनचे लाईव्ह रनिंग स्टेटस तपासावे, असे आवाहन करण्यात आले आहे.