काळजाचा थरकाप! अंबाबरवा अभयारण्यात वाघाचा तरुणावर जीवघेणा हल्ला; २ गाईंसह ३ वासरांचा पाडला फडशा, परिसरात प्रचंड दहशत!

त्यांनी गंभीर जखमी अवस्थेत असलेल्या अनिलला तातडीने शासकीय वाहनात टाकून सोनाळा प्राथमिक आरोग्य केंद्रात दाखल केले. तिथे प्राथमिक उपचार केल्यानंतर अनिलची प्रकृती चिंताजनक असल्याने त्याला १०८ रुग्णवाहिकेने तात्काळ शेगाव येथील ‘सईबाई मोटे उपजिल्हा रुग्णालयात’ हलवण्यात आले. मात्र, जखमा अत्यंत खोल असल्याने त्याला पुढील तातडीच्या उपचारासाठी अकोला येथील रुग्णालयात रेफर करण्यात आले असून, सध्या त्याच्यावर उपचार सुरू आहेत.

  गावकरी दहशतीखालीज्या भागात हा हल्ला झाला, तो जटाशंकर आणि जयशंकर परिसर हा एक सुप्रसिद्ध निसर्गरम्य तीर्थक्षेत्र आणि पर्यटन स्थळ म्हणून ओळखला जातो. या घटनेची माहिती मोबाईलद्वारे वाऱ्यासारखी गावात पसरताच स्थानिक नागरिक आणि पर्यटकांमध्ये एकच खळबळ उडाली आहे. सोनाळा वनपरिक्षेत्र अधिकारी यांच्या कार्यालयात या घटनेची अधिकृत नोंद करण्यात आली असून, वरिष्ठ कार्यालयाला या घटनेचा अहवाल तातडीने पाठवण्यात आला आहे. वनविभागाने नागरिकांना जंगलात न जाण्याचे आवाहन केले असून परिसरात सुरक्षा वाढवली आहे.